بقلم الدكتور فتوح منصور
مرض السكر والضغط من الأمراض اللي منتشرة جدًا، لكن مع الاهتمام والتحكم فيهم تقدر تعيش حياة طبيعية وصحية.
أهم النصائح اللي هتفيدك:
(١)الأكل الصحي:
– قلل من السكر والملح، وخاصة السكر الأبيض.
♦️- اختار أكلات غنية بالألياف زي الخضارـوالفواكه.
♦️ – ابعد عن الزيوت المهدرجة والسمنة الحيوانية، دي مضرة جدًا. ♦️- استخدم زيوت صحية زي زيت الزيتون ، لكن باعتدال.
(٢) شرب المية:
– اشرب كمية مية كويسة على مدار اليوم، المية مهمة جدًا لصحتك وعشان ميحصلش جفاف.
(٣) بتاخد # إنسولين:
خليك منظم في ميعاد الإنسولين خاصة قبل الوجبات :
♦️لو بتاخد إنسولين سريع المفعول (زي الأبيدرا-نوفورابيد ): خده قبل الأكل بـ 15 دقيقة بحد أقصي .
مثال لو هتاكل 12 خده 11.50 بحد اقصي 11.45.
♦️لو بتاخد إنسولين قصير المفعول (زي الأكترابيد): خده قبل الأكل بـ 30 دقيقة ومتنساش تاكل بعدها.
♦️لو بتاخد ميكستارد : خده قبل الوجبات بنص ساعة بحد أقصي .
♦️حذر: أي تاخير عن الأكل قد يؤدي لهبوط .
♦️استشارة الطبيب: يجب دائمًا استشارة الطبيب أو مقدم الرعاية الصحية لتحديد الجرعات والمواعيد المناسبة لحالتك الصحية الفردية.
(٤)♂️ الحركة والنشاط:
– خلي عندك نشاط يومي، حتى لو مشي لمدة نص ساعة.
(٥) المتابعة مع الدكتور:
– متنساش أدويتك، وإذا كنت حاسس بأي حاجة غلط روح للدكتور على طول.
– متهملش الفحوصات الدورية وخليك على تواصل مع دكتورك.
كمان يفضل يكون معاك جهاز سكر وضغط للمتابعة المنزلية .
(٦) معلومات دقيقة وثابته توجد في أي تحديث خاص بالأمراض المزمنة مثل السكر والضغط:
♦️ لو نقصت من وزنك حوالي 5-10% هتلاقي تحسن كبير في مستوى السكر والضغط.
♦️خليك_فاكر: التحكم في السكر والضغط مش صعب، كل خطوة صغيرة هتفرق معاك. ابدأ من النهاردة وعيش حياة أحلى
واسال الله ان يجعل يومكم مشرق وانتم بكامل الصحه وموفور العافيه ودمتم سالمين
