بقلم الدكتور فتوح منصور
طفل كل ما بيخرج مع باباه ومامته ويطلب حاجه يقولوله لا علشان غاليه
كل لما يدخلوا مطعم ياكلوا
باباه يبص في المنيو الاول على الاسعار وينقي ارخص حاجه
♦️الولد زعل علشان بيكون نفسه في حاجات تانيه ياكلها وباباه بيقوله انها غاليه على امكانياته
♦️الطفل روح زعلان خصوصاً ان الموقف ده اتكرر كتير وبقى بياكل حاجات مابيحبهاش
♦️وقف يصلي ويقول يارب ياتدي بابا فلوس كتير علشان مايبصش ع الاسعار تاني ويطلب بقلب جامد
يا تخليه يطلبلي اللي انا عايزه وهو حر بقى في اللي هايطلبه لنفسه
♦️بعد اسبوعين باباه خرجهم
دخلوا مطعم طلبوا المنيو
المنيو جه مكتوب فيه كل الاصناف لكن ولا صنف قدامه سعره
♦️الاب اتحرج جداً وسأل الجرسون
♦️انتوا ليه مش كاتبين الاسعارقاله ده نظام المطعم
بنكتب الاكلات اللي عندنا بس ، اما السعر هايجيلك في الاخر مع الفاتوره
لكن لو عايز تسأل عن سعر حاجه قولي وابلغك
♦️الاب اتحرج يسأل وطلب على طول
الولد فرح انه اول مره ياكل اكله من اختياره مش من اختيار باباه
♦️وبعد ما أكل ، قام علشان يغسل ايده ووقف يشكر ربنا ويقوله
حلوه فكره المنيو اللي بدون اسعار دي
مجتش في بالي علشان اقولك عليها في الصلاه
شكرا يارب.
♦️وبعد ما قعدوا قعدتهم ،
باباه طلب من الجرسون يجيب الحساب
وكان قلقان من اللي هايدفعه
لكن اتفاجئ ان الفاتوره فاضيه مافهاش اسعار
♦️ولما سأل الجرسون رد وقاله
يافندم انت طلبت اصناف بدون اسعار
والفاتوره برده طالعالك بدون اسعار
♦️استغرب جداً وقاله امال انتوا فاتحين ليه
قاله ده يوم استثنائي مقدمه صاحب المطعم
♦️بعد ما مشي ، راح الجرسون وقال لصاحب المطعم انت ليه خلتني اقدملهم الفاتوره فاضيه رغم انها طالعه بمبلغ كبير
♦️ابتسم وقاله ، بالصدفه كنت واقف ورا الطفل وهو بيصلي لربنا وبيشكره
فحسيت ربنا مكلفني بأمر في استطاعتي اقدمه
العبره – تخيل معايا لما صاحب المطعم سمع الصلاة عمل ايه ! فما بالك بصانع الكون بأكمله ممكن يعمل ايه عشانك !
وأسعد الله ايامكم وصبحكم الله بكل خير
