بقلم الدكتور فتوح منصور الفترة الزمنية من لحظة موتك . تغسيلك. . تكفينك . ثم للصلاة عليك و دفنك لن تتجاوز الثلاث أو الأربع ساعات في أغلب الحالات !
♦️و بعد انتهاء الدفن بثلاث أو أربع ساعات بالكتير هيكون كل أحبابك و أهلك بيأكلوا أو بيشربوا أو بيستقبلوا ضيوف أو بيتكلموا في التليفون أو نايمين !
♦️و مهما كان عندك ناس بتحبك مش هيقعدوا جنبك بعد الدفن أكتر من نصف ساعة أو ساعة إلا شويه !
و حتى لو زاروك كتير لا هيكونوا شايفين و لا حاسيين باللي أنت فيه !
♦️و بيتك اللي بتحبه هيسكنه غيرك و عربيتك اللي بتحبها هيسوقها غيرك و لبسك اللي بتحبه هيلبسه غيرك و شغلك اللي بتحبه هيشتغله غيرك و فلوسك اللي بتحبها هيصرفها غيرك !
♦️مفيش حاجة هتقعد معاك في قبرك غير عملك
هتقعد أنت و عملك لوحدكم في القبر تواجهوا مصيركم
♦️كل الغاليين على قلبك هيسيبوك و يمشوا إلا عملك الصالح هو الوحيد اللي مش هيرضىٰ يسيبك
♦️قُرآنك ، إيمانك ، إخلاصك ، صلاتك ، صيامك ، زكاتك ، صدقاتك ، حجابِك ، حُسن خُلُقك مع كل الناس ، أذكارك ، دُعائك ، صبرك ، عُمرتك ، حِجتك ، غَضك لبصرك ، مَسكك للسانك ، كظمك لغيظك ، بِرك بوالديك ، إحسانك للغير ، اتباعك للسُنَّة ، فعلك للطاعات ، اجتنابك للنواهي ، هم الرفيق فى قبرك فاسال الله يحسن جميع اعمالنا ويجعلها خالصه له وأن يؤنسنا به فى قبورنا .
اللهم ارزقنا حُسن الحياة و حُسن الممات وحسن الخاتمه و اجعل قبرنا روضة من رياض الجنه ووسعه لنا مد أبصارنا وجافى الأرض عن جنبينا واكرم نزلنا ونقنا من من الذنوب والخطايا كما ينقى الثوب الأبيض من الدنس اللهم امين.واسعد الله ايامكم وصبحكم الله بكل خير
