بقلم ياسر الجبالى
وأنت بتسمع عن صفقة رأس الحكمة وبتشوف تفاصيل المشروع هيجي في بالك أول سؤال.. ايه أهمية مشروع رأس الحكمة؟ وتأثيرها ايه عليا كمواطن؟
– تفاصيل المشروع اللي تم إعلانها في المؤتمر الصحفي اللي كل وسائل الإعلام المحلية والإقليمية والعالمية نقلتها بتقول قد ايه المشروع دا ضخم ومهم، ضخم لحجم الاستثمار اللي بيعتبر الأكبر في تاريخ مصر كلها، ومهم لأنه يعتبر نجاح لاستراتيجية تصدير العقار وتتويج لمجهودات الدولة كلها في تنفيذ مشروعات البنية التحتية والعمل خلال السنين اللي فاتت على تحويل مصر لوجهة استثمارية عالمية على كل الأصعدة، خصوصا الاستثمار العقاري.
– ضخ الاستثمار الضخم دا في الاقتصاد المصري هينعكس بشكل واضح على تخفيف حدة الأزمة الاقتصادية وزي ما شوفنا الفترة اللي فاتت بمجرد ما طلعت أخبار حوالين المشروع السوق السوداء اتأثرت وانخفضت بشكل كبير فتخيل ايه بقى لما يبقى الإعلان بشكل رسمي عن المشروع هيأثر ازاي على السوق السوداء وهيساعد مصر في حل أزمة الدولار.
– الاستثمار الضخم دا كمان هينعكس على الشركات والمصانع المصرية اللي هتشتغل في المشروع دا سواء شركات المقاولات أو مصانع الأسمنت والزجاج والأسلاك واللي هتضطر توسع من نشاطها وتكبر من استثماراتها عشان تواكب الطلب المرتفع على منتجاتها، شوف بقى كــل دا هيوفر فرص عمل مباشرة وغير مباشرة قد ايه!
– مشروع رأس الحكمة كمان هيفتح باب كبير لمزيد من الاستثمارات العالمية والإقليمية اللي هتيجي مصر عشان هي سوق جاذب وقدر يجذب صفقة بالحجم دا، شوف كام شركة هتثق في الاقتصاد المصري وهتيجي تتنافس عشان تستثمر هي كمان سواء في القطاع العقاري أو المشروعات السياحية أو إنشاء المصانع اللي هتلبي الاحتياجات المحلية.
– مشروع رأس الحكمة مش مجرد صفقة ضخمة وفلوس داخلة لمصر، المشروع دا أكــبــر صفقة عقارية في تاريخ مصر الحديث.
– المشروع دا بمثابة إعـــلان ضخم جدا ومهم جدا لــنـجـــاح الدولة المصرية في مشروعاتها اللي نفذتها خلال السنين اللي فاتت واللي مستمرة في تنفيذها، كل المشروعات سهلت وساعدت في الاقتصاد المصري سواء بشكل مباشر من خلال توفير فرص العمل وتوطين الصناعات وتسهيل التوسع في إنشاء المشروعات أو من خلال تمهيد الطريق لمزيد من الاستثمارات الضخمة المباشرة اللي شافت في مصر سوق ضخم ومهم لموقعها الجغرافي ولإمكانيتها البشرية وشافت كمان حجم مشروعات البنية التحتية في كل مجال.
– وأهم نقطة لازم تبقى عارفها إن دا مش بيع لقطعة أرض هيتبني عليها وخلاص، الموضوع شراكة استراتيجية لمشروع ضخم جدا بين الـدولـة المصريـة وبين أكبر المطورين العقاريين في المنطقة.
– مصر_تبني_المستقبل دا واقع بيتنفذ بقاله سنين وبيتوج النهاردة بالإعلان العظيم عن مشروع رأس الحكمة اللي بيأكد على مسار الدولة في البناء والتعمير والنهوض بالدولة بمختلف قطاعتها
.
والاجمل القادم سوف يتم الاعلان عن مشروع ضخم في البحر الاحمر بمنطقة الجلالة العين السخنة ( مشروع مدينة سكنية ورياضية
ومطارات وتعليمية وترفيهية ) بالشراكة مع صندوق ابوظبي السيادي
_
حب بلدك وثق في قيادتها القادم افضل واعرف بسببك وتحملك الاصلاح الاقتصادي رغم التحديات العالمية هي السبب فيما هو سيكون لمصر والاجيال القادمة بس حارب الفساد بأشكاله وخليك ايجابي
لان اغنياء الحروب والازمات هم المفسدين في الارض
حفظ الله مصر وشعبها
