بقلم الدكتور فتوح منصور
♦️لو عندك سكر، لازم تعرف شوية حاجات مهمة عشان تحافظ على صحتك وتتحكم في مستوى السكر عندك.
1- مقياس السكر:
ماتقيسش السكر إلا بعد ساعتين من أول لقمة أكلتها. يعني أول ما تبدأ تاكل، خلي ساعتك معاك. مهم جدًا يكون السكر أقل من 180 بعد الأكل بساعتين.
2- الحبوب مش العلاج الأساسي
الحبوب اللي بتاخدها مش هي العلاج الأول. الترتيب الصحيح هو:
1. الاكل الصح.
2. الرياضة.
3. العلاج.
ماتفكرش تفرط في الأكل:
في ناس فاكرة إنهم لما ياخدوا الحبوب أو الأنسولين يبقى ليهم الحق في أكل أي حاجة وكميات كبيرة.
❌ ده غلط!
الاكل ببساطة:
♦️- ابعد عن النشويات والسكريات زي الخبز، الرز، البطاطا، المشروبات الغازية، والعصاير الجاهزة.
♦️- خلي الخضار هو الأساس في أكلك.
♦️- خدلك طبق كبير سلطة قبل الأكل مش بعده.
♦️- شرب كمية كويسة من الماء بشكل مستمر.
♦️- حاول تاكل بصل وثوم مع الأكل.
✅المصابين الأذكياء مش بيفكروا في إزاي يخفضوا السكر بس، لكن بيفكروا إزاي مايعلوش السكر من البداية.
لو فكرت بالطريقة دي، هتقدر تخلص من العلاج وخصوصًا لو عندك السكري النوع التاني.
3- الالتهابات والضغط النفسي.
أي التهاب في جسمك هيزود السكر. أي حالة نفسية سيئة أو أي خلل جسماني برضه ممكن يرفع السكر.❌. 4- ما تتوقعش نتائج سريعة:
في ناس عندهم السكر مرتفع لفترة طويلة، وعايزين ينزل السكر بسرعة. ده مش ممكن غير مع التغذيه الصحية، الرياضة، والأدوية.
5- الدهون والشحوم:
الدهون الثلاثية والوزن الزائد ليهم دور كبير في الإصابة بالسكر. خلي بالك منهم!
6- الإرادة:
أهم حاجة في العلاج والتخلص من السكر (خصوصًا النوع التاني) هي الإرادة القوية والاعتدال في كل حاجة.
واسال الله ان يجعل يومكم مشرق وانتم بكامل الصحه وموفور العافيه ودمتم سالمين
